EMDR meðferð vinnur úr áföllum með allt öðrum hætti en hefðbundin viðtalsmeðferð. Segja má að áföll festist í taugakerfinu og þar séu þau frosin í minningunni. Þau áföll sem eru föst í heilanum, taugakerfinu og líkamanum hafa bein og óbein áhrif á einstaklinginn. EMDR aðferðin notar tvíhliða áreiti (bi-lateral stimulation) eins og augnhreyfingar fram og til baka, hljóð í sitthvort eyra, létt bank sitt á hvað í lófa eða á hnén á meðan að einstaklingurinn fer í gegnum atburðinn með aðstoð EMDR meðferðaraðilans.

Þetta er hluti af EMDR ferlinu sem vinnur að því að losa um frosnar minningar og upplifanir. Tvíhliða áreitið hleypir af stað úrvinnslu minninganna í heilanum og taugakerfinu og þær færast yfir í eðlilegt minni. Sá sem er í meðferðinni þarf ekki að lýsa eða útskýra atburðina til að geta unnið úr þeim í þessu ferli.  Þessi aðferð getur dregið úr einkennum og vanlíðan sem hafa verið viðvarandi, aflétt áhrifum í líkamanum og leyst upp kveikjur hjá einstaklingnum og bætt viðhorf hans til sjálfs síns.